Ao nʋ blaadɩ ao 'je Kea 'a 'nynɩ "i 'bɛɛ‑
150
Ao 'bɛɛ‑ Tʋ "bo 'a 'nynɩ "i.Ao 'bɛɛ‑ Kea 'a 'nynɩ "i, 'de ɛɛ' ‑gbu" ‑kwea i 'di,
ao 'bɛɛ‑ ɛɛ' 'nynɩ "i 'de 'kmʋ "kpei,
‑ta ɛɛ' "ikmaa' poa "jri "kpae ɛ.
2 Ao 'bɛɛ‑ ɛɛ' 'nynɩ "i, 'de ɛɛ' ‑kla di ‑tɩ' 'ʋn,
ao 'bɛɛ‑ ɛɛ' 'nynɩ "i,
'de ɛɛ' "ikmaa' sea' ‑kwɛ ‑ta 'ble 'a ‑tɩ' 'ʋn.
3 Ao bla "kwi ‑kwein, ao 'je ɛɛ' 'nynɩ "i 'bɛɛ‑,
ao bla ‑si' ‑plʋ ke ‑gbadɛ ke‑,
ao 'je ɛɛ' 'nynɩ "i 'bɛɛ‑!
4 Ao 'bɛɛ‑ ɛɛ' 'nynɩ "i,
ao 'je diiɛn"‑ bla ao 'je dee‑!
Ao bla ‑si' ‑plʋ ke "kwi ‑kwein,
ao 'je ɛɛ' 'nynɩ "i 'bɛɛ‑!
5 Blaadɩ "klein ‑ɩa wlu "nma,
ao blɩ ao 'je ɛɛ' 'nynɩ "i 'bɛɛ‑.
6 Dɛ "o dɛ ‑ɛɛ fɔan,
'bɛɛ‑ Tʋ "bo 'a 'nynɩ "i.
Ao 'bɛɛ‑ Tʋ "bo 'a 'nynɩ "i.